ព័ត៌មានថ្មីបំផុត

ភាពឯកា​​ធ្វើឲ្យ​​អ្នក​​ឆាប់​​ស្លាប់​ជាង​​ជំងឺ​​ធាត់​​ទៅ​​ទៀត​​

Loading...
តើ​អ្នក​ជា​មនុស្ស​បែបណា? ចូល​ចិត្ត​នៅ​ម្នាក់​ឯង ឬ ជួប​ប្រាស្រ័យជា​មួយ​អ្នក​ដទៃ? តើអ្នក​ដែល​បង្ហាញ​អារម្មណ៍​ខាង​ក្នុ​ង​របស់​អ្នក​ប្រាប់​ទៅ​អ្នក​នៅ​ក្បែរ​អ្នក​ទេ? ឬ ក៏​អ្នក​លាក់​ទុក​តែ​ខ្លួន​ឯង? តើអ្នក​ជា​មនុស្ស​ងាយ​ស្រួល​មាន​ទំនាក់​ទំនង​ជា​មួយ​សង្គម​ខាង​ក្រៅ (Social) ទេ? ឬ​ក៏​អ្នក​មិន​ដឹង​ថា​ត្រូវ​និយាយ​អ្ វី​ពេល​ជួប​មនុស្ស​ថ្មីៗ?


ទាំង​នេះ​គឺជា​សំនួរ​ប្រចាំ​ថ្ងៃ​ដែល​អ្នក​តែង​​សួរ​ខ្លួនឯង។ អារម្មណ៍ គឺជា​របស់​ ពិបាក​គ្រប់គ្រងនិងតម្រូវ​ណាស់ ហើយ​ជាពិសេសនោះគឺវាមាន​ឥទ្ធិពល​មិន​ធម្មតា​ឡើយ​មក​លើ​យើង ការ​រស់នៅ​របស់​យើង។

​ការ​ចុះ​ផ្សាយ​មួយ​របស់​សារពត៌មាន the Sun បាន​បង្ហាញ​ថា ភាព​ឯកា អាច​មាន​គ្រោះ​ថ្នាក់ ធ្វើ​ឲ្យ​មនុស្ស​​មាន​អាយុ​ខ្លីជាង​ ជំងឺធាត់ឬ​ជំងឺ​ផ្សេង​ទៀត​ណាស់។ ភាព​ឯការត្រូវ​បាន​អ្នក​ជំនាញ​គិត​ថា ជា​បញ្ហា​សុខភាព​ដែល​មាន​ហានិភ័យ​ខ្ពស់​មួយ។

ការ​ស្រាវជ្រាវ​មួយ​ ដែល​សិក្សា​ពី​ផល​ប៉ះពាល់​នៃ​ភាព​ឯកា និយាយថា​ អ្នក​ដែល​គ្មាន​ទំនាក់​ទំនង​សង្គម​ ឯកា មាន​សុខភាព​មិនល្អ ហើយ​ថែម​ទាំង​មានហានិភ័យ ៥០ ភាគរយប្រឈមនឹង​​អាយុ​ខ្លី បើប្រៀប​ធៀប​ជា​មួយ​អ្នក​មាន​ទំនាក់​ទំនង​សង្គម​ខ្លាំង។

ការ​ស្រាវជ្រាវ​ដដែល​ ដែល​ធ្វើ​នៅ​សហរដ្ឋអាមេរិក បង្ហាញ​ថា ភាព​មិន​សូវ​មាន​ទំនាក់​ទំនង​ជា​មួយ​សង្គម​ខាង​ក្រៅ អាចធ្វើ​ឲ្យសង្ឃឹម​រស់​របស់​មនុស្សធ្លាក់​ចុះ​រហូត​ ៥០ ភាគ​រយ ច្រើនជាង​ផលប៉ះពាល់​ដែល​បានពី​ជំងឺធាត់។

សាស្ត្រាចារ្យផ្នែក ចិត្តវិទ្យានៅសាកល​វិទ្យា​ល័យ Brigham Young និយាយ​ថា ការ​ដែល​មាន​ទំនាក់​ទំនង ប្រាស្រ័យ​ទៅ​វិញ​ទៅ​មក​របស់​មនុស្ស​ម្នាក់​ៗ គឺជារបស់​ដែល​មនុស្ស​ម្នាក់​​ត្រូវ​ការជាទី​បំផុត សំខាន់​ទាំង​ការ​រស់​នៅប្រចាំ​ថ្ងៃ ព្រមទាំង​តម្រូវការ​សុខភាព​ផង។

ការ​ដែល​មាន​អារម្មណ៍ឯកា ឬ គ្មាន​ការ​ប្រាស្រ័យ​ទាក់​ទង​ជា​មួយ​មនុស្ស​ជុំវិញ​ខ្លួន ធ្វើ​ឲ្យ​មនុស្ស​មាន​អារម្មណ៍កាន់​តែទទួល​រង​គ្រោះ ទាំង ផ្លូវ​កាយ​និង​ផ្លូវ​ចិត្ត។ អ្នក​ទាំង​អស់​នោះអាចប្រឈម​ជា​មួយបញ្ហា​សុខភាព​ខ្លាំង​ជាង​មនុស្ស​ទូទៅ ហើយ​វា​នឹង​កាន់​តែ​អាក្រក់​ទៅ ៗ បើ​អ្នក​មិន​ចាប់​ផ្តើម​ធ្វើ​ឲ្យ​ខ្លួន​ឯង​មាន​ទំនាក់​ទំនង​ជា​មួយ​អ្នកដទៃ​វិញទេ។

ដោយ៖ ហ៊ាង សុគន្ធារី
ប្រភព៖ New York Post

*ប្រសិនបើចូលចិត្តអត្ថបទនេះសូមជួយ Like & Share ប៉ុន្តែសូមកុំ Copy យកទៅដាក់លើ Website រឺ Page​របស់ខ្លួន​ដោយ​គ្មានការ​អនុញ្ញាតិ សូមចូលរួមគោរព Copyright របស់អ្នកដទៃទាំងអស់គ្នា។ 

No comments