ព័ត៌មានថ្មីបំផុត

សម្ភាសន៍​ការងារ​ មិន​មែន​អុជ​ធូប​បន់​ព្រះ​នោះ​ទេ ត្រូវ​ចេះ​ត្រៀម​ខ្លួន​ទើប​បាន​

Loading...
ទៅសម្ភាសន៍ការងារមិនមែនសុំលេខឆ្នោតទេណា​ បេីសិនជាអ្នកមិនមានសមត្ថភាពគ្រប់គ្រាន់​ ឬមិនបានត្រៀមខ្លួនត្រឹមត្រូវ​ អ្នកក៏មិនអាចជាប់ដោយងាយៗនោះដែរ​ ដូច្នេះចង់ដឹងអត់ថា ត្រូវធ្វេីអ្វីខ្លះ ដេីម្បីឲ្យការសម្ភាសន៍មានប្រសិទ្ធភាព?

១.​ អានប្រវត្តិរូបសង្ខេបរបស់អ្នកឲ្យបានច្បាស់



មនុស្សមួយចំនួនប្រហែលជាគិតថាវាមិនមានអ្វីសំខាន់នោះទេសម្រាប់ចំណុចនេះ​ តែចំពោះអ្នកដែលទៅសម្ភាសន៍ជាលេីកដំបូងដាច់ខាតមិនគួររំលងចំណុចនេះឡេីយ ព្រោះបេីសិនជាអ្នកមិនបានដឹងពីប្រវត្តិរូបខ្លួនដែលសសេរនៅក្នុងក្រដាស ឲ្យបានច្បាស់លាស់នោះទេ អ្នកប្រហែលអាចឆ្លេីយខុសពីអ្វិីដែលអ្នកបង្ហាញហេីយក្រុមហ៊ុននឹងចាប់ផ្ដេីមបាត់បង់ជំនឿចិត្តលេីអ្នកដូចគ្នា។


២.​ ការស្លៀកពាក់

ការស្លៀកពាក់ក៏ជារឿងសំខាន់មួយដែលអ្នកគួរចាប់អារម្មណ៍ព្រោះជួនកាលសម្បកក្រៅ ក៏អាចបង្ហាញគុណវិបត្តិរបស់អ្នកបានដែរ​ ដូច្នេះអ្នកគួរតែរៀបចំខ្លួនឲ្យបានសមរម្យ​ ជៀសវាងសម្លៀកបំពាក់ដែលមានពណ៌ឆេីតឆាយពេក​ រឹបរាងខ្លាំងពេក​ ឬ​ បែបសិចស៊ី​ជាដេីម។


៣.​ មិនត្រូវយឺតពេល

ទោទោះឋិតក្នុងកាលៈទេសៈណាក៏ដោយ អ្នកមិនត្រូវយឺតពេលនោះទេ ព្រោះវាជារឿងសំខាន់មួយទៀតដែលអ្នកគួរតែធ្វេី ព្រោះវាអាចជាផលប៉ះពាល់មួយសម្រាប់ការសម្ភាសន៍របស់អ្ន​ក​ យ៉ាងហោចណាស់អ្នកគួរតែទៅដល់មុនការកំណត់​ 10​ ទៅ​ 15​ នាទីទេីបជាការប្រសេីរ។


៤.​ ត្រូវតែដឹងច្បាស់អំពីអ្វីដែលក្រុមហ៊ុននោះត្រូវការ

មុននឹងទៅធ្វេីការសម្ភាសន៍ អ្នកគួរតែសិក្សាអំពីក្រុមហ៊ុនមួយនោះឲ្យបានច្បាស់លាស់ ដេីម្បីឲ្យអ្នកកាន់តែមានភាពងាយស្រួលក្នុងការឆ្លេីយសំណួរផ្សេងៗ ដែលទាក់ទងនឹងក្រុមហ៊ុននោះ។


៥.​ អនុវត្តការសម្ភាសន៍របស់អ្នកនៅមុខកញ្ចក់

មានវេបសាយជាច្រេីនធ្លាប់បានចុះផ្សាយពីសំណួរមួយចំនួន ដែលគេតែងតែសួរអំឡុងពេលសម្ភាសន៍ ដូចនេះអ្នកអាចប្រេីប្រាស់សំណួរទាំងនោះ ដេីម្បីមកហ្វឹកហាត់ខ្លួនឯង ដោយការឆ្លេីយនៅមុខកញ្ចក់ ហេីយអ្នកនឹងអាចដឹងថាអ្វីទៅគឺជាភាពខ្វះខាតរបស់អ្នក។

៦.​ បិទសំឡេងទូរស័ព្ទ


អេ!​ ចំណុចមួយនេះអ្នកត្រូវមានការប្រុងប្រយ័ត្នឲ្យបានខ្ពស់ ហេីយមិនត្រូវរំលងជាដាច់ខាត ព្រោះវាអាចអ្នកសម្ភាសន៍មានអារម្មណ៍មិនល្អ ហេីយវាអាចប៉ះពាល់ដល់ការសម្ភាសន៍របស់អ្នក​ បេីសិនជាអាចអ្នកគួរតែបិទទូរស័ព្ទតែម្ដងកាន់តែប្រសេីរ។


អត្ថបទដោយ៖​ ជុំ​ រស្មី
ប្រភព៖​ Bornrealist


*ប្រសិនបើចូលចិត្តអត្ថបទនេះសូមជួយ Like និង Share ប៉ុន្តែសូមកុំ Copy យកទៅដាក់លើ Website រឺ Page​របស់ខ្លួន​ដោយ​គ្មានការ​អនុញ្ញាតិ សូមចូលរួមគោរព Copyright របស់អ្នកដទៃទាំងអស់គ្នា។

No comments