ព័ត៌មានថ្មីបំផុត

តោះ! មក​ស្គាល់​ពីអាថ៌កំបាំង​នៃធាតុ​ទាំង​៤​របស់​តារានិករ​ទាំង​អស់​

Loading...
អ្វីទៅជាអាថ៌កំបាំងរបស់តារានិករទាំងអស់ បើយើងមកប្រៀបធៀបវាជាមួយនិងធាតុទាំង៤វិញនោះ។ ខាងក្រោមនេះនឹងមានលម្អឹតជួននូវធាតុទាំង៤ ដែលមានទាក់ទងនឹងតារានិករទាំងអស់។



១. ធាតុខ្យល់ ( Gemini Libra Aquarius)
ចំពោះតារានិករដែលជាធាតុខ្យល់គឺរស់នៅដោយពឹងផ្អែកលើខួរក្បាលរបស់ខ្លួន។ ពួកគេតែងតែមានគំនិតថ្មីក្នុងការធ្វើអ្វីមួយ និងគិតបានយ៉ាងល្អឹតល្អន់មុននឹងសម្រេចចិត្ដធ្វើ។ អាចនិយាយបានថាតារានិករទាំងនេះមានអារម្មណ៍ឆាប់ផ្លាស់ប្ដូរបន្ដិច។ តារានិករធាតុខ្យល់ទាំងនេះជាមនុស្សពូកែរវោហាសព្ទ ប៉ុន្ដែចំពោះរឿងស្នេហាវិញ ពួកគេដូចជាពិបាកយល់បន្ដិច។


២. ធាតុទឹក (Cancer Scorpio Pisces)
សំរាប់តារានិករធាតុទឹកទាំងនេះជាមនុស្សដែលចូលចិត្ដការអាន ការប្រាស្រ័យទាក់ទងជាមួយអ្នកដទៃ។​ ជាមនុស្សដែលមានភាពអៀនខ្មាស់ច្រើន ប៉ុន្ដែចូលចិត្តវែកញែកអ្វីបានល្អិតល្អន់ល្អ និងមានចិត្ដគំនិតនិងអារម្មណ៍ជ្រៅពិបាកវាស់ស្ទង់ណាស់។ ចំពោះអត្តចរិកវិញ គឺចូលចិត្ដការពារខ្លួនពីរឿងអ្វីមួយ មានចិត្ដមេត្ដាករុណា និងមានទេពកោសល្យល្អ។

៣. ធាតុដី (Taurus Virgo Capricorn)
ចំណែកឯតារានិករដែលមានធាតុដីទាំងមិនមែនពូកែខាងផ្លាស់ប្តូរស្ថានការណ៍ទេ ប៉ុន្ដែពួកគេមានសម្ថតភាពអាចផ្លាស់ប្ដូររឿងទាំងនោះមកជាល្អនិងមានប្រយោជន៍បាន។ ពួកគេច្រើនតែមានអារម្មណ៍មិនសូវជាសប្បាយចិត្ដប៉ុន្មាន ច្រើនមានរឿងក្នុងចិត្ដជានិច្ចប៉ុន្ដែមិននិយាយចេញមកក្រៅ។ តារាធាតុដីទាំងនេះមានអត្ដចរិករឹងរូសបន្ដិច ប៉ុន្ដែស្មោះត្រង់ និងព្យាយាមធ្វើគ្រប់យ៉ាងដើម្បីសំរេចគោលបំណងរបស់ខ្លួន។


៤. ធាតុភ្លើង​ ( Aries Leo Sagittarius)
ចំពោះតារានិករដែលមានធាតុភ្លើងទាំងនេះមានសមត្ថភាពខ្លាំងក្លា ក្នុងការគ្រប់គ្រងស្ថានភាពណាមួយ ជាអ្នកដែលស្រលាញ់សេរីភាព និងមិនចូលអែបអបអ្នកណា។ ពួកគេចូលសង្កេតមើលរឿងគ្រប់យ៉ាងទោះជាហេតុផលមិនសមរម្យក៏ដោយ។ ជាមនុស្សដែលព្យាយាមគ្រប់គ្រងអារម្មណ៍របស់ខ្លួនគ្រប់កាលៈទេសៈ តាមធម្មជាតិផ្ដល់ឲ្យពូកគេចូលចិត្ដបរិច្ចាគអ្វីផ្សេងៗទៅឲ្យអ្នកអត់ខ្សោយ និង ងាយនឹងអត់អោនឲ្យអ្នកដទៃ៕


ប្រែសម្រួលដោយ ធានី
ប្រភព Thezodicity.com

*ប្រសិនបើចូលចិត្តអត្ថបទនេះសូមជួយ Like និង Share ប៉ុន្តែសូមកុំ Copy យកទៅដាក់លើ Website រឺ Page​របស់ខ្លួន​ដោយ​គ្មានការ​អនុញ្ញាតិ សូមចូលរួមគោរព Copyright របស់អ្នកដទៃទាំងអស់គ្នា។

No comments