ព័ត៌មានថ្មីបំផុត

សញ្ញា​ប្រា​ប់​ថា អ្នក​លួច​ Crush ​គេ​​យ៉ាង​​ច្បាស់​​ក្រឡែត​ហើយ!​

Loading...
ស្នេហា គឺជា​រឿង​មួយ ស្មុគ​ស្មាញ ពិបាក​យល់ ជួន​កាល​អ្នក​ខ្លះក៏​មិន​ដឹង​ថា​ខ្លួន​ឯង​ស្រឡាញ់​អ្នក​ណា​ម្នាក់​ដែល​ឬទេ ឬ គ្រាន់​តែជា​អារម្មណ៍​អ្វី​ផ្សេង។ អ្នក​ខ្លះ​លួច​ស្រឡាញ់​គេ​ មិន​ដឹងថា​តាំងពី​ពេល​ណា។ អ្នក​ខ្លះមិន​ដឹង​ថាខ្លួន​ឯង​លួច​ស្រឡាញ់​គេឡើយ ហើយ​ទុក​ឲ្យ​គេទៅបាត់​ដោយ​មិន​បាន​ប្រាប់។ ឯអ្នក​ខ្លះ​ដឹង​ថា​ខ្លួន​ឯង​ស្រឡាញ់​គេដែរ ​តែ​មិន​ហ៊ាន​សារភាព។ តើ​អ្នក​ដឹង​ថាអ្នក​មាន​អារម្មណ៍​បែប​ណា​ពេល​ស្រឡាញ់​គេ​ទេ? ខាង​ក្រោម​ជា​សញ្ញា​មួយ​ចំនួន​ដែល​អាច​ប្រាប់​អ្នក​បាន​ថា អ្នក​កំពុង​តែ​លួច​ស្រឡាញ់​គេ៖



1. តែងរីករាយ និង ចង់​ញញឹមជា​និច្ចពេល​បាន​ជួប​គេ
នេះគឺជា​សញ្ញា​មួយ​ដែល​ប្រាប់​អ្នក​ថា មនុស្ស​ម្នាក់​នោះគឺជា​មនុស្ស​ពិសេស។ អ្នក​តែង​មាន​អារម្មណ៍ពិសេស​ប្លែក​ពេល​ដែល​បាន​ជួប ឬ ឃើញ​គេ​ម្នាក់​នោះ។ ជាពិសេស បើ​អ្នក​លួច​មើល​គេ ហើយ​មាន​អារម្មណ៍​ថា​ខ្លួន​ឯង​កំពុង​ញញឹម​ម្នាក់​ឯង​នោះ នោះ​ហើយ​អាច​បញ្ជាក់​ថា​គេ​ធ្វើ​ឲ្យ​អ្នក​មាន​ក្តី​សុខ។​

2. បេះដូងអ្នក​លោតញាប់​ខុសពី​ធម្មតាពេលនៅ​ក្បែរ​គេ
បើ​អ្នក​មាន​អារម្មណ៍ភ័យ​ប្លែក​ៗ ហើយ​បេះ​ដូច​លោត​ញាប់ មិន​ដឹង​និយាយ​អ្វី​ ពេល​ដែល​អ្នក​នៅ​ជិត​គេ អ្នក​ពិត​ជា​លួច​ស្រឡាញ់​គេ​ហើយ។ អ្នក​អាច​មាន​អារម្មណ៍​ថា គេ​ហាក់​ដូចជា​អ្វី​មួយ ដែល​ពេល​ចូល​មក​ក្នុង​ជីវិត​អ្នក​ហើយ ធ្វើ​ឲ្យ​អ្នក​មាន​អារម្មណ៍ពិសេសប្លែក។ បើ​បេះដូង​អ្នក​លោត​ញាប់​ពេល​នៅ​ជាមួយ​គេ អ្នក​ប្រហែល​ស្រឡាញ់​គេ​ហើយ។

3. អារម្មណ៍​មិន​នឹង​នរ
ពេល​អ្នក​លួច​ស្រឡាញ់​អ្នក​ណា​ម្នាក់ អារម្មណ៍​អ្នក​ចាប់​ផ្តើម​មាន​ការ​ប្រែ​ប្រួល។ អ្នក​មាន​អារម្មណ៍​ឌុក​ឌាក់ពេល​បាន​ជួប​គេ មាន​អារម្មណ៍​ច្រណែន​ពេល​ឃើញ​គេ​នៅ​ជា​មួយ​អ្នក​ផ្សេង មានអារម្មណ៍​ខឹង​ពេល​ដែល​គេ​មិន​យល់​ពី​ចិត្ត​របស់​ខ្លួន មាន​អារម្មណ៍​សប្បាយ​នៅ​ពេល​ដែល​គេ​សប្បាយ និង​មិន​សប្បាយ​ចិត្ត​នៅ​ពេល​ឃើញ​គេ​មាន​ទុក្ខ។

4. អ្នក​មាន​អារម្មណ៍ល្អពេល​បាន​នៅជា​មួយ​គេ
នេះ​អាច​ថា អ្នក​មាន​អារម្មណ៍​វិជ្ជមាន​ច្រើន​ចំពោះ​មនុស្ស​ម្នាក់​នោះ។ អ្នក​គិត​ថា គេ​មាន​អ្វី​មួយ​ដែល​ប្លែក​ពី​អ្នក​ដទៃ ហើយ​ដែល​អាច​ធ្វើ​ឲ្យ​អ្នក​មាន​អារម្មណ៍​ល្អ មាន​ជីវិត​ស្រស់​បំព្រង។ ពេល​បាន​នៅជា​មួយ​គេ អ្នក​មាន​អារម្មណ៍​ថា​ពិភព​លោក​ស្ថិត​នៅ​ក្នុង​កណ្តាប់​ដៃ​របស់​អ្នក។

ដោយ៖ ហ៊ាង សុគន្ធារី
*ប្រសិនបើចូលចិត្តអត្ថបទនេះសូមជួយ Like & Share ប៉ុន្តែសូមកុំ Copy យកទៅដាក់លើ Website រឺ Page​របស់ខ្លួន​ដោយ​គ្មានការ​អនុញ្ញាតិ សូមចូលរួមគោរព Copyright របស់អ្នកដទៃទាំងអស់គ្នា។  

No comments