ព័ត៌មានថ្មីបំផុត

មើល​រឿង​ Drama ច្រើន​​ អត់​​ប្រយោជន៍​​ឬ​?​ ខុស​ហើយ!​ ដឹងថា​វា​មាន​ប្រយោជន៍​អី​ខ្លះ​អត់?​

Loading...
តាម​ធម្មតា នៅពេល​អផ្សុក ឬ ពេល​ទំនេរ មនុស្ស​ម្នាក់​ៗតែ​ង​មានការ​កម្សាន្ត​ផ្សេងៗពី​គ្នា។ អ្នក​ខ្លះទៅ​លេង​កីឡា អ្នក​ខ្លះក៏ទៅ​ដើរ​លេង អ្នក​ខ្លះអាន​សៀវភៅ ហើយអ្នក​ខ្លះទៀត​ក៏​ចូល​ចិត្តមើល​រឿង​តែ​ម្នាក់​ឯង។ អ្នក​ខ្លះថា ចំណាយពេល​មើល Drama គឺ​ជា​ការ​ចំណាយ​ពេល​ឥត​ប្រយោជន៍ តែ​តាម​ពិត​វា​មិន​មែនជា​ការពិត​ទាំង​អស់​ទេ។ តើ​វា​ពិតជាឥត​ប្រយោជន៍​មែន​ទេ? តើ​ក្រោយពេល​បាន​មើល​រឿង​នោះហើយ តើអ្នក​មាន​អារម្មណ៍​បែប​ណា ចេះ​បាន​អ្វីខ្លះ? ខាង​ក្រោម​គឺជាសារប្រយោជន៍​មួយ​ចំនួន​ដែល​បាន​ពី​ការ​មើល​រឿង Drama។





1. បាន​រៀន​ពី​បទពិសោធ​ជីវិត
ជីវិត​របស់​មនុស្ស​ម្នាក់​ៗតែង​មាន​ជួប​ពេល​សើច ពេល​យំ ជារឿង​ធម្មតា ហើយ​ក្នុង​ Drama ក៏​ប្រហាក់​ប្រហែល​គ្នា​ដែរ ព្រោះ​ថា Drama នេះ​គឺជា​ប្រភពនៃ​រឿង​ពិត គ្រាន់​តែ​មាន​លាយឡំ​ការ​ប្រឌិត​ខ្លះ​ៗ​តែ​ប៉ុណ្ណោះ។ អ្នក​អាច​រៀន​ពី​ការ​សម្រេច​ចិត្ត ការ​គិត និង​ទម្លាប់​ល្អ​ៗ​មួយ​ចំនួន​របស់​មនុស្ស​នៅ​ក្នុង​ drama ​នោះ ដែល​​បទពិសោធន៍ទាំង​នោះ ល្អៗ​ច្រើន​ណាស់។

2. ធ្វើ​ឲ្យ​ជីវិត​របស់​អ្នក​មាន​តុល្យភាព ព្រមទាំង​សុខភាព​ល្អ
ចំពោះ​មនុស្ស​មាន​ភាព​ឯកា ឬ នៅ​ម្នាក់​ឯង​ច្រើន ការ​មើល​ Drama អាច​ល្អ​សម្រាប់​សុខភាព​កាយ​និង​ចិត្ត​របស់​អ្នក​បាន​មួយ​កម្រិត។ នៅ​ក្នុង​ជីវិត​ អ្នក​ត្រូវ​ការមាន​បទពិសោធ​ការ​សើច ការ​យំ ឬ អារម្មណ៍ជា​ច្រើន​ទៀត។ ទោះ​បីជា​ Drama អាច​ជា​រឿង​ប្រឌិត​ខ្លាំង​ពេក តែ​វា​អាច​ធ្វើ​ឲ្យ​អ្នក​ខឹង សើច យំ ភ័យ និង អារម្មណ៍ផ្សេងៗដែល​អ្នកមិន​ងាយ​មាន​ពេលធម្មតា។ វា​ធ្វើ​ឲ្យ​ជីវិត​របស់​អ្នក​មាន​តុល្យភាព ហាក់​បី​ដូចជា​បាន​ជួប​បទពិសោធ​ន៍ផ្ទាល់​ៗ​ទាំង​នោះ​ដែរ។

3. ធ្វើ​ឲ្យ​អ្នក​បាន​ដឹង​ និង ស្គាល់​ពី​មនុស្ស​និង​វប្បធម៌របស់​ប្រទេស
ពិតណាស់​ថា ក្នុង​រឿង មិនថា Drama ឬ រឿង​ណា​ក៏ដោយ គឺ​វា​បាន​ឆ្លុះ​បង្ហាញ​ពី​មនុស្ស ការ​រស់​នៅ វប្បធម៌ និង​សង្គម​របស់​ប្រទេស​នោះ។ មិន​តែ​ប៉ុណ្ណោះ វា​ថែម​ទាំង​មាន​បង្ហាញ​ប្រវត្តិសាស្ត្រ​របស់​ប្រទេស​នោះ​ផង។ បាន​មើល​រឿង​ទាំង​នោះ អ្នក​នឹង​អាច​ទទួល​បាន​ចំណេះ​ដឹង​ផ្សេងៗជា​ច្រើន។

4. ធ្វើ​ឲ្យ​យើង​បាត់​ភាព​អផ្សុក ស្រ្តេស
នៅ​ពេល​យើងអផ្សុក ឬ ស្ត្រេស​ម្តងៗ តើ​អ្នក​ធ្វើ​អ្វី? ជួន​កាល​អ្នក​មិន​ដឹង​ថា​ធ្វើ​អ្វីទេ ហើយ​ក៏​សម្រេច​ចិត្ត​មើល​រឿង។ រឿង​បាន​ធ្វើ​ឲ្យ​អ្នក​ចូល​ទៅ​ដល់​ពិភព​លោក​មួយ​ទៀត ហើយ ស្ត្រេស​និង​ភាព​តាន​តឹង​របស់​អ្នក​នឹង​អាច​រសាយ​នៅ​ពេលអ្នក​បាន​មើល​រឿង ១ ឬ ២ ម៉ោង​រួច។

5. ធ្វើ​ឲ្យ​យើង​បាន​ស្គាល់​ និង​ដឹងទីតាំង​ភូមិសាស្ត្រ​របស់​ប្រទេស​មួយ
ពិត​ណាស់ នៅ​ពេល​យើង​មិន​មាន​ថវិកា​គ្រប់​គ្រាន់​ក្នុង​ការ​ដើរ​លេង​ក្រៅ​ប្រទេស យើងអាច​មើល​រឿង Drama របស់​ប្រទេស​ផ្សេងៗ​គ្នា រួច​អាច​ស្វែង​យល់​ពី​ទឹក​ដី និង ភូមិសាស្ត្រ​របស់​ប្រទេស​នោះ​ផង។ តាម​ធម្មតា នៅ​ពេល​ថត​រឿង គេ​តែង​ស្វែង​រក​ទីតាំង​ស្អាតៗ ទីតាំង​នៃជីវភាព​នានា​របស់​ប្រជាជន​ប្រទេស​គេ។

ដោយ៖ ហ៊ាង សុគន្ធារី

*ប្រសិនបើចូលចិត្តអត្ថបទនេះសូមជួយ Like & Share ប៉ុន្តែសូមកុំ Copy យកទៅដាក់លើ Website រឺ Page​របស់ខ្លួន​ដោយ​គ្មានការ​អនុញ្ញាតិ សូមចូលរួមគោរព Copyright របស់អ្នកដទៃទាំងអស់គ្នា។  

No comments