ព័ត៌មានថ្មីបំផុត

មាន​ទំនាស់​​នៅ​​កន្លែង​ធ្វើការ ​គួរ​​ដោះ​ស្រាយ​​ដូច​ម្តេច​?

Loading...
ការ​មាន​ទំនាស់​នៅ​កន្លែងធ្វើការ​ជា​ប្រការ​មួយ​ដែល​មិន​អាច​ចៀសវាង​បាន​ឡើយ ប៉ុន្តែ​វា​មិនមែន​គួរតែ​ធ្វើអោយប៉ះពាល់​ដល់​ផលិតផល​ដែល​អាច​ធ្វើបាន ឬ​ទឹកចិត្ត​ឡើយ​។ ខាងក្រោម​នេះ​គឺជា​រឿង ៨​យ៉ាង​ដែល​អ្នក​អាច​យក​វា​ទៅ​ដោះស្រាយ​ទំនាស់ និង​បង្កើត​សន្តិភាព​ឡើងវិញ​បាន​។



​ទំនាស់​នៅ​កន្លែងធ្វើការ​ពិតជា​រឿង​មួយ​ធ្វើអោយ​ឈឺចាប់​ខ្លាំង​មែនទែន ព្រមទាំង​ជា​ហេតុផល​មួយ​ដ៏​សំខាន់​សម្រាប់​ការថយចុះ​សកម្មភាព​ធ្វើការ និង​បង្កើន​ភាពស្មុគស្មាញ​ក្នុង​ចិត្ត​។ តើ​នៅ​កន្លែង​ធ្វើការ​របស់​អ្នក​មាន​មនុស្ស​ធ្វើអោយមាន​បញ្ហា​ដល់​មនុស្ស​គ្រប់គ្នា​ផ្សេងៗ​ទៀត​ដែរ​ទេ​? តើ​ពួកគេ​បង្កើត​ការងារ​បន្ថែម​សម្រាប់​អ្នក​ដទៃ​ដែរ​ទេ​? អ្វី​ដែល​ច្បាស់លាស់​ក្នុង​រឿង​នេះ​គឺថា ទំនាស់​មិន​រលុប​បាត់​ដោយ​ងាយ​ទេ ហើយ​វា​គ្រាន់តែ​ធ្វើអោយ​កាន់តែ​ធ្ងន់ធ្ងរ​ទៅៗ​ប៉ុណ្ណោះ​នៅ​ពេល​អ្នក​បណ្តោយអោយ​វា​ទៅ​មុខ​បន្តទៀត​។

​ទំនាស់​នៅ​កន្លែង​ធ្វើការ​ជា​ច្រើន​ពិតជា​អាច​សម្គាល់​ដឹង​។ ទម្រង់​ផ្សេងៗ​ទៀត​នៃ​ទំនាស់​ប្រហែលជា​មិន​ងាយ​រកឃើញ​នោះទេ​។ ព្រឹតិ្តការណ៍​តូចតាច ឬ​បង្ក​បញ្ហា​ដូចជា ឥរិយាបថ​អវិជ្ជមាន​ដែល​កើតឡើង​ម្តង​ហើយ​ម្តងទៀត​គ្រប់ពេល និង​អាច​ធ្វើអោយ​មនុស្ស​មាន​បញ្ហា​ជាមួយគ្នា​ទៅវិញទៅមក​។ ករណី​ភាគច្រើន ទំនាស់​កើតឡើង​នៅក្នុង​កម្រិត​ខ្ពស់​នៃ​ក្រុមហ៊ុន​។ ស្ថិតក្នុង​ស្ថានភាព​ទាំងនេះ វា​ត្រូវ​តែមាន​ដំណោះស្រាយ​មួយចំនួន​ចូលរួម​ហើយ​។

​តើ​ទំនាស់​នៅ​កន្លែងធ្វើការ​បែប​ណា​ដែល​ត្រូវការ​ដំណោះស្រាយ​? អ្វីៗ​ទាំងឡាយ​ដែល​រំខាន​ដល់​ការិយាល័យ​, មាន​ឥទ្ធិពល​ទៅលើ​សកម្មភាព​ធ្វើការ ឬ​មាន​ការ​គំរាម​គំហែង​ដល់​បុគ្គលិក​ផ្សេងៗ​ទៀត​ត្រូវតែរ​រកអោយឃើញ​។ កម្រិត​ដែល​អ្នក​អាច​ស៊ូទ្រាំ​នឹង​ស្ថានភាព​មួយ​មុនពេល​ដោះស្រាយ​ប្រហែល​ជា​មិន​ដូចគ្នា​ឡើយ​។ អ្នកគ្រប់គ្រង​ម្នាក់​ប្រហែលជា​មិន​យល់​ថា​ដំណោះស្រាយ​ក្នុង​ការផ្លាស់ប្តូរ​ពាក្យសម្តី​តិចតួច​នោះ​ជា​រឿង​សំខាន់​ដែល​ត្រូវ​ធ្វើ​ឡើយ លុះត្រាតែ​ហេតុការណ៍​មួយ​នោះ​ក្លាយទៅជា​រឿង​កើត​ឡើង​រាល់ថ្ងៃ ហើយ​ត្រូវ​ប្រាប់​ដល់​បុគ្គលិក​ទាំងអស់​អោយ​ដឹង​គ្រប់​គ្នា​ដែរ​។ ទោះបីជា​យ៉ាងណា​ក៏ដោយ ស្ថានភាព​មួយ​ដែល​បុគ្គលិក​ម្នាក់​មាន​ការ​គម្រាំ​គំហែង ត្រូវតែ​រក​ដំណោះស្រាយ​ផ្សេង​មួយទៀត​ភ្លាម​។ នៅពេល​កំពុង​តែ​ដោះស្រាយ​បញ្ហា ការណែនាំ​ជា​មូលដ្ឋាន​មួយចំនួន​គួរតែ​ដាក់បញ្ចូល​ដូចជា​៖

យល់​ពី​ស្ថានភាព​
​ស្ថានភាព​មួយចំនួន​ពិតជា​បង្ហាញ​អោយ​អ្នក​ដឹង​តាមរយៈ​មនុស្ស​ជាច្រើន​ផ្សេងៗ​ទៀត​មែន​។ មុន​ពេល​អ្នក​ព្យាយាម​ដោះស្រាយ​ទំនាស់ ចូរ​ប្រាកដថា អ្នក​បាន​ស្រាវជ្រាវ​រាល់​បញ្ហា​លើ​មនុស្ស​ទាំង​ពីរ​នោះ​ហើយ​។

​ទទួលស្គាល់​ការ​ពិត​របស់​បញ្ហា​
​ខ្ញុំ​បាន​ចាំ​នូវ​ការផ្លាស់ប្តូរ​មួយ​រវាង​មនុស្ស​ពីរ​នាក់​។ ម្នាក់​ត្រូវបាន​ស៊ាំចិត្ត​ជាមួយ​នឹង​ទិសដៅ​ដែល​ក្រុមហ៊ុន​កំពុងតែ​ធ្វើ​។ គាត់​បាន​ប្រាប់​អ្នក​ផ្សេង​ទៀត​ថា “​មិនបាច់​បារម្ភ​អ្វី​អំពី​វា​ឡើយ វា​មិនមែន​ជា​រឿង​សំខាន់​ឡើយ​”​។ ចូរ​ចាំ​ថា អ្វី​ដែល​កើតឡើង​ជា​បញ្ហា​តូចតាច​មួយ​ចំពោះ​អ្នក ពេល​នោះ​អ្នក​អាច​ជា​បញ្ហា​ដ៏​ធំ​មួយ​ជាមួយ​អ្នកផ្សេង​មួយទៀត​បាន​។ ការទទួលស្គាល់​នូវ​ការ​ស៊ាំចិត្ត និង​ការបារម្ភ​គឺជា​ជំ​ហ៊ាន​ដ៏​សំខាន់​ក្នុង​ការដោះស្រាយ​ទំនាស់​។

អត់ធ្មត់ និង​ធ្វើ​ទៅ​តាម​ពេលវេលា​របស់​អ្នក
​ពាក្យចាស់​មួយ​ឃ្លា​ដែល​និយាយថា “​ប្រញាប់​ណាស់​កាន់តែ​យឺត​ណាស់​”  បង្កប់​នូវ​ការពិត​ច្រើនជាង​អ្វី​ដែល​យើង​ដឹង​ទៅ​ទៀត​។ ចូរ​ចំនាយ​ពេល​វាយ​តម្លៃ​ទៅ​លើ​រាល់​ព័ត៌មាន​ទាំងឡាយ​សិន​។ ការសម្រេចចិត្ត​លឿន​ពេល​ពិតជា​បង្ក​អោយមាន​គ្រោះថ្នាក់​ច្រើន​ជាង​អ្វី​ដែល​ល្អ​នៅពេល​ការ​ស្រេច​ចិត្ត​នោះ​ក្លាយទៅជា​រឿង​ខុស​វិញ ព្រមទាំង​បាត់បង់​ការគាំទ្រ​ទៀតផង​។

​ចៀសវាង​ការប្រើប្រាស់​របៀប​បង្ខិត​បង្ខំ​
​ការបញ្ចេញ​កំហឹង ឬ​ការបង្ខំ​មនុស្ស​ប្រហែល​ជា​អាច​បញ្ឈប់​បញ្ហា​បាន​តែ​បណ្តោះអាសន្ន​ទេ ប៉ុន្តែ​មិន​ត្រូវ​ដាក់ខ្លួន​អោយក្លាយ​ទ​ជា​មនុស្ស​ល្ងង់​ដើម្បី​គិតថា​វា​គឺជា​ដំណោះស្រាយ​មាន​រយៈពេល​យូរ​ឡើយ​។ អ្វី​ដែល​ចម្លែក​នោះ​គឺថា បញ្ហា​នោះ​នឹង​កើតឡើង​ម្តងទៀត​។ វា​មិន​ត្រឹមតែ​ធ្វើអោយ​អ្នក​មាន​បញ្ហា​ជាមួយ​ដំណោះស្រាយ​នោះ​ទេ តែ​វា​ក៏​ធ្វើអោយមាន​អារម្មណ៍​ខឹង​ជាច្រើន​ដែល​ធ្វើអោយ​មាន​ផល​អាក្រក់​ផងដែរ​។​

​ផ្តោត​សំខាន់​ទៅលើ​បញ្ហា មិនមែន​បុគ្គល​ម្នាក់​ឡើយ​
​មនុស្ស​ភាគច្រើន​យ៉ាងហោច​ណាស​ក៏​ដឹង​រឿង​មួយ​ដែរ​ថា “​មនុស្ស​ម្នាក់​ជា​អ្នក​បង្កបញ្ហា​” ដែរ​នៅក្នុង​ពិសោធន៍​ការងារ​របស់​ពួកគេ​។​ចៀសវាង​ការប្រើ​ឥរិយាបថ​ស្រមើស្រមៃ​ទៅលើ​បុគ្គល​ណា​ម្នាក់​។ បុរស “​ក​” ប្រហែល​ជា​មនុស្ស​ដែល​រីករាយ​បំផុត ឬ​គ្រាន់តែ​ប្រហែលជា​មាន​ទំនាស់​ផ្លាស់​ខ្លួន​មួយ​ប៉ុណ្ណោះ​ជាម​យ​យ​នរណា​ម្នាក់​ទៀត​ដែល​ធ្វើការ​ជាមួយគ្នា​ប៉ុណ្ណោះ​។ រឿង​នេះ​មិនមែន​មានន័យថា ពួកគេ​មាន​ហេតុផល​មួយ​នៃ​បញ្ហា​របស់​ពួកគេ​នោះ​ឡើយ​។ ចូរ​ផ្តោត​សំខាន់​ទៅ​លើ​ការវិភាគ និង​ដោះស្រាយ​ទំនាស់​។ ក្រោយពី​ធ្វើការ​វិភាគ​យ៉ាង​ប្រុងប្រយ័ត្ន​រួច បើសិន​ជា​អ្នក​កំណត់​បាន​ថា មនុស្ស​ម្នាក់​ជា​បញ្ហា​នោះ ចូរ​សង្គត់ធ្ងន់​ទៅលើ​មនុស្ស​ម្នាក់​ក្នុងចំនុច​នោះ​តែម្តង​ទៅ​។​

ប៉ាន់ស្មាន​លើ​សេចក្តីណែនាំ​
​មុន​ពេល​ប្រមូល​ការប្រជុំ​ជា​ផ្លូវការ​មួយ​រវាង​មនុស្ស​ម្នាក់ៗ ចូរ​អោយ​ពួកគេ​ទាំង​ពីរ​យល់ព្រម​នូវ​សេចក្តីណែនាំ​ប្រជុំ​ពីរ​បី​ចំនុច​សិន​។ ចូរ​ស្នើរ​អោយ​ពួកគេ​បញ្ជាក់​ប្រាប់​ថា​អាច​អត់ធ្មត់​បាន​។ ចូរ​អោយ​ពួក​គេ​យល់ព្រម​ការ​ចង់ដឹង​អំពី​ការយល់ឃើញ​អំពី​ចិត្តគំនិត​គ្នា​ទៅវិញទៅមក​សិន​។ ចូរ​ប្រាប់​ពួកគេ​ថា បើសិន​ជា​ពួកគេ​បំពាន់​សេចក្តីណែនាំ​នោះ ការប្រជុំ​ជួប​គ្នា​នឹង​ត្រូវ​បញ្ចប់​វិញ​។​

រក្សា​ការ​បើ​ចំហរ​ទំនាក់ទំនង​ដដែល​
​គោលដៅ​ដ៏​ខ្លាំ​ក្លា​ក្នុង​ការដោះស្រាយ​ទំនាស់​គឺ​មនុស្ស​ទាំង​ពីរ​នាក់​ត្រូវ​តែ​ដោះស្រាយ​បញ្ហា​ដោយ​ពួកគេ​ផ្ទាល់​។ ចូរ​អោយ​មនុស្ស​ទាំង​ពីរ​នាក់​នោះ​បង្ហាញ​អំពី​ទស្សនៈ​របស់​ពួកគេ ប៉ុន្តែ​ក៏​ត្រូវ​ចែករំលែក​ការពិចារណា​របស់​អ្នក​ដែរ​។ ចូរ​មាន​គនិត​ចូលរួម​ភេទ​ការជួបជុំ​និយាយ​គ្នា និង​ជួយ​ពួកគេ​ស្វែងរក​ការពិត​ដែល​វា​ធ្វើអោយ​មាន​ទំនាស់​កើតឡើង​។

​ធ្វើ​ដោយ​មិនចេះ​រារែក​
​នៅ​ពេល​អ្នក​ចំណាយ​ពេល​ដើម្បី​ប្រមូល​ទិន្នន័យ​នៃ​បញ្ហា ចូរ​ប្រាប់​ដល់​ភាគី​ទាំងសងខាង​ចូលរួម​ដែរ ហើយ​រំលឹក​រាល់​កាលៈទេសៈ​ទាំង​អស់ ព្រមទាំង​បង្កើត​ការសម្រេចចិត្ត​របស់​អ្នក​ទៅ​។ មិន​ត្រូវ​ទុក​អោយ​បញ្ហា​នោះ​ក្លាយទៅជា​រឿង​ស្ទាក់ស្ទើរ ឬ​ច្របូកច្របល​ឡើយ​។ ការសម្រេចចិត្ត​ដែល​ស៊ី​ពេល​យូរពេក​អាច​បំផ្លាញ​ភាព​ដែល​គេ​ទុក​ចិត្ត​លើ​អ្នក​បាន ព្រមទាំង​ទស្សនៈ​របស់​គេ​មក​លើ​អ្នក​។ ពួកគេ​ប្រហែលជា​យល់​ថា​អ្នក​ជា​មនុស្ស​ទន់ខ្សោយ ឬ​មិន​យកចិត្តទុកដាក់​ក្នុង​ការដោះស្រាយ​បញ្ហា​។ មិនមែន​មនុស្ស​គ្រប់​គ្នា​នឹង​យល់ព្រម​ការសម្រេចចិត្ត​របស់​អ្នក​ឡើយ ប៉ុន្តែ​យ៉ាងហោចណាស់​ក៏​ពួកគេ​ដឹងថា​ត្រូវ​ឈរ​នៅ​កន្លែង​ណា​ដែរ​៕

ប្រភព៖ សុខភាព

No comments