ព័ត៌មានថ្មីបំផុត

អាហារ​​ដែល​​អ្នក​មិន​​គួរ​​ញ៉ាំ​​ បើ​​​ចង់​​បាន​​ស្បែក​​ស្អាត​​

Loading...
ភាគ​ច្រើន​មនុស្ស​ម្នាក់​ៗ​តែង​តែ​ចំណាយ​លុយ​របស់​ខ្លួន​ទៅ​ទិញ​ផលិត​ផល​ថែរក្សា​ស្បែក​ ក្នុង​​គោល​បំណង​ចង់​បាន​ស្បែក​ សក់​ស្អាត​។​ ប៉ុន្តែ​អ្នក​ប្រហែល​ជា​មិន​ដឹង​ទេ​ថា​ ស្បែក សក់​ ក្រចក​ របស់​អ្នក​ស្អាត​គឺ​ដោយ​សារ​តែ​របប​អាហារ​ប្រចាំ​ថ្ងៃ​ដែល​អ្នក​ញ៉ាំ​នេះ​ហើយ​ជា​អ្នក​កំណត់​​។ ខាង​ក្រោម​នេះ​ជា​ប្រភេទ​អាហារ​មួយ​ចំនួន​ដែល​អ្នក​មិន​គួរ​ញ៉ាំ៖




1. អាហារ​មាន​ជាតិ​ស្ករ​ច្រើន​

បើអ្នកញ៉ាំ​អាហារ​មាន​ជាតិ​ស្ករ អ្នក​ត្រូវ​ញ៉ាំ​ឲ្យ​មាន​កំរិត​។ បើ​កាល​ណា​​ក្នុង​ខ្លួន​អ្នក​មាន​ជាតិ​ស្ករ​លើស​ច្រើន​ វា​អាច​​បំផ្លាញ​កោសិការក្សា​ភាព​រលោង​របស់​​ស្បែក​ ដែល​ធ្វើ​ឲ្យ​ស្បែក​ប្រែ​ជា​ជ្រួញ​និង​គ្មាន​សំណើម​។

2. នំប៉័ង​សរ
អាហារ​មាន​​គ្លុយកូស​ខ្ពស់​ដូច​ជា​នំប៉័ង​ ឬ​មី អាច​ធ្វើ​ឲ្យ​​ជាតិ​ស្ករ​នៅ​ក្នុង​រាង​កាយ​កើន​ឡើង​រហ័ស​។ ទាំង​នេះ​អាច​ធ្វើ​ឲ្យ​ នៅ​លើ​មុខ ​ឬ ​ក ​របស់​អ្នក​​អាច​ឡើង​មុន​ឬ​កន្ទួល​តូច​ៗ​ជា​ច្រើន។​


3. ទឹក​ដោះ​គោ
ការញ៉ាំ​ទឹក​ដោះ​គោ​​ច្រើន​ហួស​អាច​បណ្តាល​ឲ្យ​ស្ទះ​រន្ធ​ញើស​ហើយ​កើត​មុន​​។​ វាអាច​កើតឡើង​ព្រោះ​ពេល​អ្នក​ញ៉ាំ​ទឹក​ដោះ​គោ​ ក្នុងរាងកាយ​របស់អ្នក​នឹង​មាន​ជាតិ​ស្ករ​និង​អរម៉ូនកើនឡើង​។

4. ញ៉ាំ​អាហារ​ប្រៃ​
វា​អាច​ធ្វើ​ឲ្យ​​កើត​មុន​កាន់​តែ​ខ្លាំង​ ហើយ​អាច​ធ្វើ​ឲ្យ​ជាលិការ​ឬ​សរសែរ​ឡើង​ប៉ោង​ទៀត​ផង​។

5. សារជាតិ​អាល់​កុល​
អ្នក​ប្រហែល​ជា​ដឹង​ហើយ​ថា​ញ៉ាំ​ជាតិ​អាល់​កុល​ធ្វើ​ឲ្យ​​ប៉ះ​ពាល់​សុខភាព​។ ចំពោះ​ស្បែក​ វា​ធ្វើ​ឲ្យ​ឡើង​រោល​ក្រហម​​​និង​អាច​ជាំ​មុខ​ក៏​ថា​បាន​។

ប្រភព​៖ Lifehack
ដោយ៖ ហ៊ាង សុគន្ធារី

*ប្រសិនបើចូលចិត្តអត្ថបទនេះសូមជួយ Like និង Share ប៉ុន្តែសូមកុំ Copy យកទៅដាក់លើ Website រឺ Page​របស់ខ្លួន​ដោយ​គ្មានការ​អនុញ្ញាតិ សូមចូលរួមគោរព Copyright របស់អ្នកដទៃទាំងអស់គ្នា។

No comments