ព័ត៌មានថ្មីបំផុត

ចរិត​​៤​យ៉ាង​​ដែល​​រុញ​ច្រាន​​មនុស្ស​​នៅ​​ក្បែរ​អ្នក​​ឲ្យ​ចាក​​ចេញ​ពី​​អ្នក​

Loading...
អាកប្បកិរិយា ការប្រព្រឹត្ត​របស់​មនុស្ស​ម្នាក់​ៗពិត​ជា​មាន​សារសំខាន់​ ព្រោះវា​ជា​កញ្ចក់​បង្ហាញពី​ធាតុពិត​របស់​មនុស្ស​ម្នាក់ៗ។ មាន​អ្នក​ខ្លះ ចូល​មក​ជីវិត​របស់​យើង​ហើយ នៅជា​មួយ​យើង​រហូត តែ​ អ្នក​ខ្លះ​ទៀត មកដល់មិន​ទាន់​បាន​ប៉ុន្មានក៏​ទៅ​វិញទៅ​ហើយ។ តើ​ហេតុអ្វី? តើ​វា​មក​ពី​ចរិត ការ​ប្រព្រឹត្ត​របស់​មនុស្ស​នោះទេ? ខាង​ក្រោមជា​លក្ខណៈ​មួយ​ចំនួន​របស់​អ្នក ដែល​អាច​រុញ​ច្រាន​អ្នក​នៅ​ក្បែរ​អ្នក​ឲ្យ​ចេញ​ពីអ្នកបាន។


1. ភាព​អាត្មានិយម
មនុស្ស​ម្នា​ក់​ៗកើត​មក​តែង​មាន​គំនិត​គិត​ពីខ្លួន​ឯង​ច្រើន​ៗ ប៉ុន្តែសកម្មភាព​អាត្មានិយម​ជ្រុល​គឺជា​សញ្ញា​មួយ​បង្ហាញ​ប្រាប់​គេ​ឯង​ថា អ្នក​មិន​បាន​គិតពី​អ្នក​ដ៏ទៃ​សោះ ជា​ជាង​ខ្វល់​ខ្វាយ​តែពី​ខ្លួន​ឯ​ង​ច្រើនពេក។ បើ​ភាព​អាត្មានិយម​នោះ មិន​មាន​ផល​ប៉ះពាល់​ដល់​អ្នក​នៅ​ជុំវិញ​ខ្លួន​អ្នក​ទេ វា​ប្រហែល​ជា​មិន​អីទេ តែ​ពិបាក​និយាយ​ណាស់​ពី​រឿង​នេះ​នោះ។ ដូច្នេះ ដើម្បី​រស់នៅ​ឲ្យ​មានក្តី​សុខ និង​មាន​ន័យ មនុស្ស​គួរ​តែ​រៀនរស់​ដោយ​ខ្វល់​ពី​អារម្មណ៍ ទឹក​ចិត្ត​របស់​អ្នក​ដទៃ​ផង ព្រោះ​ថា យើង​មិន​មែន​រស់​នៅ​តែ​ឯង​លើ​លោក​នេះ​ទេ។


2. មាន​ចរិត​ប្រកាន់​ខ្លួន
នៅ​ក្នុង​សង្គម​ បើ​អ្នកមាន​ចរិត​ប្រកាន់ខ្លួន​ច្រើន អ្នក​កំពុង​តែ​រុញ​ច្រាន​មនុស្ស​ឲ្យ​ចេញ​ពី​អ្នក​ហើយ។ មិន​មាន​អ្នក​ណា​ម្នាក់ដែល​ចូល​ចិត្ត​ទៅនិយាយជា​មួយ​មនុស្ស​ដែល​ពិបាក​ទំនាក់​ទំនង ដូចអ្នក​ (មាន​ចរិត​ប្រកាន់ច្រើន) ទេ។ មួយ​ទៀត អ្នក​ក៏​មិន​គួរ​មាន​មោទនភាព​ជ្រុល​ចំពោះ​ខ្លួន​ឯង​ផង។ អ្នក​មិន​គួរ​ចំណាយ​ពេល​ និយាយពី​ភាព​ល្អ​របស់​ខ្លួន​ឯ​ង​ច្រើនពេក ព្រោះ​វា​អាច​បង្កើតអារម្មណ៍​មិន​សូវ​ល្អ​រវាងគ្នា​និង​គ្នា​បាន។


3. ខ្លួន​ឯង​ជា​អ្នក​ត្រូវ​រហូត
ជួន​កាល អ្នក​ខ្លះ​មាន​ទំនោរ​ទៅលើការ​ជៀជាក់ និង ទុក​ចិត្ត​ខ្លួន​ឯង​ជ្រុល​ពេក​រហូត​ហួស​ព្រំ​ដែន។ អាកប្បកិរិយា​នេះ​ក៏ជា​ទង្វើមួយ​ដែល​អាច​បង្ហាញ​ផង​ដែរ​ថា​អ្នក​កំពុង​តែ​មើល​ស្រាល​លើ​សមត្ថភាព ឬ ការ​សម្រេចចិត្ត​របស់​អ្នក​ដទៃ។ នេះគឺជា​ភាព​មិន​ត្រឹម​ត្រូវ​ឡើយ។ អ្នក​គួរ​យល់​ថា មនុស្ស​ម្នាក់ៗ​មិន​មែនជា​មនុស្ស​អស្ចារ្យ​ទាំងអស់ទេ ហើយ​អ្នកក៏​ដូច្នោះ​ដែរ។ អ្នក​គួរ​រៀន​ទទួល​យក និង ស្តាប់​គំនិតអ្នក​ដទៃជាជាង​ការ​មក​ប្រកែក​យក​ត្រូវ​តែ​ខ្លួនឯង។


4. តែង​តែ​ត្អូញ​ត្អែរ​មិនឈប់
មនុស្ស​ដែល​មានជីវិត​ស្រស់​ស្រាយ និង មនុស្ស​ជោគជ័យ ជា​មនុស្ស​ដែល​មិន​ពូ​កែ​ត្អូញ​ត្អែរទេ។ អ្នក​ពូកែត្អូញ​ត្អែរជា​មនុស្ស​ដែល​សំបូរ​រឿង​អរិជ្ជមាន​និយាយ​ខ្លាំង​ណាស់ ទោះ​បី​ជា​មនុស្ស​នៅជុំវិញ​ខ្លួន​គេកំពុងតែ​សប្បាយ​ចិត្ត​ក៏​ដោយ។​ អ្នក​គួរ​តែ​ដឹង​ថា កម្រិត​ត្រឹមណាអ្នក​គួរ​ត្អូញត្អែរ ឬ មិន​គួរ ព្រោះថា​មនុស្សមិន​ចូល​ចិត្ត​ឮរឿង​ទាំង​នោះ​ទេ ហើយ​វា​គួរ​ឲ្យ​ធុញទៀតផង។

ដោយ៖ ហ៊ាង សុគន្ធារី 
ប្រភព៖ Power of Positive

*ប្រសិនបើចូលចិត្តអត្ថបទនេះសូមជួយ Like និង Share ប៉ុន្តែសូមកុំ Copy យកទៅដាក់លើ Website រឺ Page​របស់ខ្លួន​ដោយ​គ្មានការ​អនុញ្ញាតិ សូមចូលរួមគោរព Copyright របស់អ្នកដទៃទាំងអស់គ្នា។

No comments