ព័ត៌មានថ្មីបំផុត

តើ​​ទង្វើ​អ្វីខ្លះ​​ដែល​​អាច​​បញ្ជាក់​​ថា​ ដួង​ចិត្ត​របស់​​នារីម្នាក់​​ស្លាប់​​ហើយ​?

Loading...
នៅពេល​ដែល​នារី​មិន​ស្រលាញ់​អ្នក តើ​គេ​អាច​បង្ហាញ​តាម​ណា​ខ្លះ​? ហើយ​ទង្វើ​អ្វីខ្លះ​ដែល​អាច​បញ្ជាក់​ថា ចិត្ត​របស់​គេ​ពិតជា​ស្លាប់​ហើយ​? បើ​អ្នក​ឃើញ​គេ​ធ្វើ​សកម្មភាព​ខាង​ក្រោម​នេះ អ្នក​មិន​បាច់​នៅ​ជិត​គេ​ទៀត​ទេ ព្រោះ​ចិត្ត​របស់​គេ​លែង​នៅ​លើ​អ្នក​ហើយ​។​





មិន​សួរ​ច្រើន​
គេ​នឹង​មិន​តែងតែ​សួរ​អ្នក​ថា ៖ “​អ្នក​ស្រលាញ់​គេ​ឬ​ទេ​? តើ​ស្រលាញ់​ប៉ុនណា​?” ព្រោះ​ចិត្ត​របស់​គេ​មិន​នៅ​ជាមួយ​អ្នក​ទៀត​ទេ ដូចនេះ​គេ​នឹង​មិន​ខ្វល់​ថា​អ្នក​ស្រលាញ់ ឬ​មិន​ស្រលាញ់​គេ​ទៀតឡើយ​។​

​មិន​ស្លៀកពាក់​ខោអាវ​ថ្មី​
គេ​នឹង​ឈប់​ស្លៀកពាក់​ខោអាវ​ថ្មី ឬ​ខោ​អាវ​ដែល​អ្នកទិញ​ឲ្យគេ​ទៀត​ទេ​នៅ​ចំពោះ​មុខ​អ្នក ដោយសារ​តែ​គេ​ឈប់​ចាប់​អារម្មណ៍​ពី​ទង្វើ​ដែល​ចង់​ធ្វើឲ្យ​អ្នក​ចាប់​អារម្មណ៍គេ ព្រោះ​គេ​ឈប់​ស្រលាញ់​អ្នក​ហើយ​។​

​និយាយ​តិច​
គេ​នឹង​ឈប់​និយាយ​ច្រើន​ដូច​មុន​ទៀត​ហើយ សូម្បី​តែ​ឈ្លោះ​ជាមួយ​អ្នក​ក៏​លែង​មាន​អារម្មណ៍​ដែរ គេ​ប្រែជា​ចង់​នៅ​ស្ងប់ស្ងាត់​ទៅ​វិញ នេះ​អាច​បញ្ជាក់បាន​ថា មនោសញ្ចេតនា​អ្នក​កំពុងតែ​ប្រែប្រួល​។​

​ឈប់​យំ និង​ឈប់​រវល់​
គេ​នឹង​មិន​យំ​នៅ​ចំពោះ​មុខ​អ្នក ហើយក៏​មិន​យំ​ដើម្បី​អ្នក​ទៀត​ទេ ជាងនេះទៅទៀត​នៅពេលដែល​គេ​ឃើញ​អ្នកនឹង​នារី​ផ្សេង គេ​ក៏​ឈប់​ប្រចណ្ឌ័​ដែរ គេ​ធ្វើ​ជា​មើលមិនឃើញ​។​

ឈប់​តាមដាន​
គេ​នឹង​ឈប់​ឆែកឆេរ​ហ្វេ​ស​បុក​អ្នក និង​ទូរស័ព្ទ​អ្នក​ទៀតហើយ ព្រោះ​គេ​លែង​ចង់​ដឹង​ពី​រឿង​ដែល​ទាក់ទង​នឹង​អ្នក​ទៀត​ទេ ដោយសារ​ចិត្ត​របស់​គេ​មិន​នៅ​លើ​អ្នក​ហើយ​។​

​បិទ​ទូរស័ព្ទ​
ទូរស័ព្ទ​របស់​គេ​នឹង​មិន​បើក​ដូច​ពីមុន​រងចាំ​អ្នកតេ​ទៅ​ទៀត​ទេ  ហើយ​គេ​ក៏​មិនសូវ​លើក​ទូរស័ព្ទ​របស់​អ្នក​ទៀត​ដែរ ជាពិសេស​សារ​របស់​អ្នក​ក៏​គេ​មិនសូវ​តប​ដែរ​។​

​នៅ​ម្នាក់ឯង​
នៅពេលដែល​គេ​ពិបាកចិត្ត គេ​សុខចិត្ត​នៅ​ម្នាក់ឯង ក៏​មិន​រក​អ្នក​មក​កំដរគេ​ដែរ ព្រោះ​គេ​មិន​ចង់​ឃើញ​មុខ​អ្នក​ទៀត​ទេ​៕

No comments